2010нчы ел - Укытучы елы дип игълан ителде.

Сайтыбызның Укытучы елына багышланган битенә шушы сылтама аша күчә аласыз

Мәктәп директоры Габидуллин Ильнур Мөхтәр улы.  1975нче елның 15нче сентябрендә туган. II  нче категорияле тарих укытучысы.

1991-1995нче елларда Минзәлә педагогия училищесында белем ала.

1995-1998нче елларда Баек гомуми белем бирү мәктәбендә хезмәт, сызым, физкуль-тура укытучысы буларак хезмәт юлын башлый.

1998-2003нче елларда Түбән Кама шәһә-ренең “Балкыш” социаль реабилитация үзәгендә тәрбияче, социаль хезмәткәр булып эшли. 1998-2002нче елларда Түбән Кама муниципаль институтында читтән торып укый.

2003нче елның августыннан Мөслим районы Олы Чакмак авылының төп гомуми белем бирү мәктәбенә директор итеп билгеләнә. 2008-2009 елларда Яр Чаллы ИНПО курсларында укып   тарих һәм җәмгыять белеме фәннәре буенча өстәмә белгечлек ала

2006нчы елдан Олы Чакмак авылы һәм Мөслим районы советы депутаты.

Габидуллина Айгөл Айдар кызы.  1982нче елның 17нче маенда туган.  II  нче категорияле математика укытучысы, 2002нче елдан башлап тәрбия эшләре буенча директор урынбасары.

1997-2001нче елларда Минзәлә педагогия коллиятендә белем ала.

2001нче елда аны кызыл дипломга тәмамлап Мөслим районы Олы Чакмак төп гомуми белем бирү мәктәбенә математика укытучысы итеп билгеләнә.

2006нчы елда Яр Чаллы педагогия институтын тәмамлый.

2009нчы елда Яр Чаллы ИНПО курсларында укып   тматематика фәне буенча өстәмә белгечлек ала

География, биология, химия укытучысы Гарипова Гөлия Риф кызы. 1973нче елның 9нчы декабрендә туган. II категорияле укытучы.

1989нчы елда Бөгелмә педагогия училищесын тәмамлап, укуын Яр Чаллы дәүләт педагогия институтының география факультетында дәвам итә. Аны 1998нче елда тәмамлый. 2004нче елдан Олы Чакмак төп гомуми белем бирү мәктәбендә укыта  башлый.

2007нче елда Мәгариф бүлеге мәктәптән тыш эшләр үзәгенең Рәхмәт хаты, 2008 елда Диплом белән бүләкләнә.

Аның турында презентация

Информатика, физика, технология укытучысы Нәгыймов Мөнәвир Әнвәр улы.  1965нче елның 23нче мартында туган. I  категорияле укытучы.

1991нче елда Алабуга дәүләт педагогия институтының техник факультетын тәмамлый. 2007-2009 елларда Яр Чаллы ИНПО курсларында укып   информатика һәм физика фәннәре буенча өстәмә ике белгечлеккә ия була

1989нчы елдан бүгенге көнгә кадәр Олы Чакмак мәктәбендә укыта. Күп санда район һәм республика олимпиадалары Бөтенроссия конкурслары  призерларын әзерләде.

2008 елда "Ел укытучысы" конкурсының район турында IV урын яулады, Татарстан Фән һәм Мәгариф министрлыгының Мактау Грамотасы белән бүләкләнде.

2006нчы елдан Олы Чакмак авыл советы депутаты.

Аның турында презентация

   Технология, рәсем сәнгате, тормыш иминлеге нигезләре, физкультура укытучысы Фасхиева Сирена Марсель кызы. 1966 нчы елның 8 нче январендә туган. I  категорияле укытучы. 1984 нче елда Әлмәт физкультура техникумын тәмамлый. Специализациясе – спорт гимнастикасы. 1985 нче елда Мәскәү шәһәрендә узган яшьләр һәм студентлар фестивалендә катнаша. 1988 нче елда Волгоград дәүләт физкультура институтының педагогия  факультетын тәмамлый.  Икенче белгечлеге – дәвалау гимнастикасы инструкторы. 1988 нче елдан Олы Чакмак мәктәбендә укыта. 2002 нче елда Татарстан Республикасы педагоглары арасында үткәрелгән “Аргамак” уеннарында катнаша. Эстафета буенча III нче урында (Казан), 2004 нче елда Татарстанның  өченче  “Аргамак” уеннарында  III урын алды (Болгар).  2005 нче елда Татарстан Республикасы Фән һәм Мәгариф министрлыгының Мактау грамотасы белән бүләкләнде. 2006 нчы елда “Ел укытучысы” конкурсында катнашып Мактау кәгазе белән бүләкләнде.

Аның турында презентация

Татар теле һәм әдәбияты укытучысы Шәфигуллина Наилә Мәкәрим кызы.

 1973нче елның 7нче июлендә туган. II категорияле укытучы.

  1992нче елда Минзәлә педагогия училещесын, 1998нче елда Алабуга педагогия институтының филология факультетын тәмамлый.

1992нче елдан бүгенге көнгә кадәр Олы Чакмак мәктәбендә укыта.

Татар теле һәм әдәбияты укытучысы Әюпова Инзилә Шогаеп кызы. 1968нче елның 31нче октябрендә туган. I категорияле укытучы.

  2008нче елда Алабуга дәүләт педагогия университетын тәмамлый.

  2001нче елдан Олы Чакмак мәктәбендә укыта.

2008-2009 нчы елларда Яр Чаллы ИНПО курсларында укып   математика фәне буенча өстәмә белгечлек ала

Аның турында презентация

Башлангыч сыйныфлар укытучысы Шигапова Люция Тәлгать кызы. 1958нче елның 10нчы сентябрендә туган. I нче категорияле укытучы.  1983 – 1988нче елларда Олы Чакмак мәктәбенең озайтылган көн группасында тәрбияче булып эшли. 1989нчы елда Алабуга дәүләт педагогия институтын читтән торып тәмамлый. 1988нче елдан бирле Олы Чакмак мәктәбендә башлангыч класслар укытычысы булып эшли. Катнашкан бәйгеләр: “Туган телем – иркә гөлем” дигән нәфис сүз бәйгесендә (2004 ел). ”Ел класс җитәкчесе" (2007ел).

Аның турында презентация

Рус теле һәм әдәбият укытучысы Ханова Силүзә Зөфәр кызы. 1963 нче елның 15нче апрелендә туган. I категорияле укытучы.

1985нче елда Казан дүәләт педагогия институтының тарих-филология факультетын тәмамлый.

1990нче елдан бүгенге көнгә кадәр Олы Чакмак мәктәбендә укыта.

2000нче елдан мәктәп профсоюз комитеты рәисе.

Аның турында презентация

Башлангыч сыйныфлар укытучысы Шакирьянова Нурсинә Заһидулла кызы. 1966 елның 21 мартында туган. I нче категорияле укытучы. Дәресләрдә үстерешле укыту технологиясен куллана.

       1987 елда Алабуга  Дәүләт Педагогия Институтының башлангыч класслар факультетын тәмамлый. 1987 елдан Олы Чакмак төп гомуми белем бирү мәктәбендә укыта. 2007 нче елда “Класс җитәкчесе “ конкурсында катнашты.

Педагог-оештыручы, музыка укытучысы Нәгыймова Миңнур Зәйнетдин кызы. 1972нче елның 12нче декабрендә туган.

2007нче елда читтән торып Яр Чаллы дәүләт педагогия институтын тәмамлый. 2008нче елдан Олы Чакмак мәктәбендә укыта. Педагог-оештыручы вазифасын алып бара. II категорияле укытучы.

Аның турында презентация